Menü

 


Norddüütschen Bodderkoken

Rezept von HiBri. - Variante Backpulverteig

Todaten (allns in den Bächer von de Schlagsahne afmeten):
1 Bächer Schlagsahne, 150 ml
1 Bächer Zucker
2 Bächer Mehl
2 Peckete Backpulber (för 1 Pund Mehl)
3 Eier
1 Priese Sölt
So wart dat maakt: Eier un Zucker schumig rührn. Mehl un Backpulber dör een Seef geben un na und na
ünner der Zucker-Eiermasse börn. De Schlagsahne bloos lichte ansloon, op keen Fall stief sloon, un ünner dän Deech sacht ünnerbörn. Een  Backbläck mit Boddern utsmärn, mit Mehl afsteuben un den Deeg dorropp verdeeln.
In dän op 200 Grad vörbötten Backoben teihn Minuten backen.

De Todaten för dän Belach:
150g Boddern
1 Bächer Zucker
3 Ätlöpel Melk
125g gehobelte Mandeln
een ganz lüttsche Priese Sölt
So wart dat maakt: Allens heet maken, un wenn de Koken teihn Minuten backt hätt, ruut ut den Backoben,
he dröfft bloots keen Zuch kriegen, sachte öber den Deeg strieken. Wädder rinn in dän Backoben un bi de glieke Hidde nochmool teihn Minuten backen laten. Oben utdreihn un dän Koken noch dree Minuten to Ruuhe kamen laten. Ruutnähm un so stelln, datt he keen Zuch kriegen deit.
Gooden Appetit ton Erntedank!

 

 

 

2 Rezepte von JKrei.

Trekfidel-Hanne Hinz heft den Lüen van de Lowlands-List de Resepten
för en Gausbraaen un de Meckelborger Götterspies medde deylt.
Dat wil ik ju nig vorenthaulen . . .

 

Gausbraden

De utnahmen Gaus waschen, binnen un buten mit Solt inrieben,
mit schellte, utsnäden Appel, inweckte Backplummen orer(un) Rosin füllen,
toneihen, mit’n bäten kolt Water in den’ anwarmten Backaben schuben
un brun braden laten. Dorbi of teens mit dat Bradenwater begeiten.
Toletzt de Soß anseimen, mit Soltkartüffeln un sötsuer Rotkohl äten.
 
Man kann dat Füllsel ok mit räben Tweeback un ’n bäten Zimt un Zucker afsmecken.
De Soß dörf äwer nich söt warden.
Een lütt Glas Rum dortwüschen is nich verkiehrt.
Bäter wat in ’t Liew as üm’t Liew. . .
Un achteran . . .

 

Meckelborger Götterspies

• 1 Pund utsteente orer inweckte Kirschen.
• 1/2 ölleres Swartbrot. 1/4 l Slagsahn.
• 1 Tassenkopp vull Zucker. Rum.

Dat Swartbrot rieben, mit Zucker vermängeleern un düchdig natt maken mit Rum.
Utsteente orer inweckte Kirschen öwer dat räben Swartbrot leggen,
babenup de söte slagen Sahn. Dat möt glieks upäten warden.
 
Un wenn ein so richtig updischen künn, denn hett dat heiten:
"Ät langsam, mien Soehn, du glöwst gor nich, wat sick mit de Tied rinner drücken lett."
Makt dat nich tau dull. Wat in fief Minuten upäten is, sitt later drei Maand up de Hüften.
Liekers, "Een god Stück Speck makt ’n fasten Kierl.

 

 

Meckelbörger Peppernöt 

Rezept von Sonja - "uns sagenhaftet Rezept"
 

250gr.Magarine
150 gr. Schmolt
100 gr. Oel
300 gr. Zucker
2/3 Glas braunen Sirup alles erhitzen, oever nicht kaken blot und dünn maken, rühren!!!
denn dortaugäben:
1 kg. Mehl
2 geh. Teeloeppel Natron in Melk uplösen
2 Päck, Vanille-Zucker
2Teeloeppel gemahlenen Anis
2Teeloeppel gem. Zimt
2Teeloeppel Pfefferkuchengewürz
200 gr. Mandeln
Sukkade nach Bedarf, ok so man will geriebene Haselnoet,
allens tausamenrührn un mind. 1 Dag kolt stellen. (Disse Diek kann in Winter dagelang stahn)
denn utrollen, utstaeken, upt Blech un backen.
wi maken ümmer sonne Rull, snieden ca. 2cm Stück af un drücken de son bäten breit – geht schneller.

Wie ick oever all anmarkte – de Gewürz sünd hütigendags Glückssak –

ich heww dat dreifache (Zimt + Anis) nahmen, üm Gesmack rintaukriegen.

Väl Spaß un gaudet Gelingen!

 

 


4 Rezepte von GüKau.

De Mengen in't Rezept sünd,  so grot as ehr Jieper is ,  för 2 - 4  Minschen

 

Bottermelktüffel
 

För 1 kg Tüffel

2 - 3 grote Zipolllen,

Bottermelk (mit 200 ml gifft dat een stiefen Brie,

                     mit 1000 ml ward dat 'ne Supp), 

Salt, Pepper, Lorbeer,

Wust or Schinken or Lungwust

 

Tüffel mit Lorbeer kaken, afgeeten, Lorbeer rutfischen un mit 'n Läpel Botter stampen,

Zipollen ansmoren, mit Tüffeln un Boddermelk vermengelieren,

Wust or Schinken anbraden un dor över geiten.

Warme Lungwust statt Schinken schmeckt ok gaud.

 

Vörschlach för Vegetarier:

In Fett tausammen smord Äppels un Zipollen passen gaud dortau.

 

Lungwust kennen de Lüüd binah man in Mäkelborg. Se ward ut twei Deeln Swienfleesch un en Deel Swienslung un väle Krydder makt un passrecht tau Grönkohl or Arftensupp.

 


+ + +

 
 
Bohnen un Beern mit Lungwust
 

1000 g  Greune Bohnen,

  800 g  Tüffel,

  800 g harte, bätten sure Beern, twei Stäl Bohnenkrut,

(200 bet 500 g Speck, as man mach), Salt, Pepper, Speck or Lungwust

 

 

Bohnen in fingerlange Stücken snieden, Tüffel schellen, bi de Beern dat Beernhüüschen rutsnieden.

Tauirst de Bohnen und dat Bohnenkrut 10min kaken, denn de Tüffel un Beern taugäben.

Wenn alls dörch is, Bohnenkrut rutfischen.

Lungwust in de Supp rinlägen un de Supp andicken. Lungwust nich kaken , de platzen.

 


+ + +
 
Appelsmolt
 
Wat bruuken wi:
200 g  Liesen (Bukfett von't Swien)
       1 groten Appel
       1 Zwiebel
Majoran
Thymian
 

Liesen in lütte Stücke snieden, mit de Krüdder (Majoran, Thymian ) in de Pann utbraden.

Wenn de Grieben gäl warn, de Äppels dortau gäben un weik smoren.

 


+ + +
 
Jansson
 

Wi hebben in een Bauk von Marianne Fredriksson een Rezept funnen,

dat  heit „Janssons Verführung“. Dat is een von de National-Äten in Schweden so as Köttbullar.

Ick kann mi äwer vörstelln, dat in Wismar un in Vörpommern in den välen Johren Swedentied mancheen Köksch dit Äten in eehr Kakbauk rinschräben het.

Pölltüffel un Häring, dat Äten kennt jedeen. In den „Jansson“ sünd ock Tüffel un Häring, äwer dörch dat Taurechtmaken waard dat 'n fienet Äten.

 

Wat bruuken wi:

Pölltüffel,

Zipollen,

15 - 20 Anchovis or 1 Glas Krydderhering or Kryddermatjes,

Sahn (seut or suer),

Piment (Nelkenpepper), Salt, Pepper

 

Zipollen in Fett ansmoren.

Tauierst Pölltüffel in Schieben snieden,

in 'n utboddert Schöttel mit Deckel gäben, dor över de Zipollen, denn de Fisch, boben wedder Tüffel.

De Sahn mit Fischlak as man mach vermengelieren, denn mit Pepper un Solt afsmecken.

Ick gäf noch Nelkenpepper ut de Möhl dortau.

De Soß över de Tüffel geiten, denn kümmt de Schöttel för 30-40 Minuten in den Backaben.

 


 

Rezept "Labskaus", gefunden von IngGa.


Wat is Labskaus? 

Dat is 'n ool Gericht vun See. Un alln's wat Du bruuks, hollt sick good över Weeken.

Ok uns Nahwers in Denmark un Sweden kennt dat. So is dat just 'n Stück internatschonaal Keuk.

 

- dat Rezept för veer Lü -

 

Wat bruuks? 

Woans geiht dat?

  • 1 Kilo Kantüffeln. De warrd stampt. Kanns ok Kantüffelmus nehm.
  • 1 Pund Pökelfleesch (kanns ok Corned Beef nehm. Un ok dat Dosenfleesch vun de EG, wat vun den Rindfleeschbarg kummt).
  • 1 Zibbel
  • Öl
  • Suur inleggt Gurken. Köönt ok seutsuur Gurken sien
  • Rode Beete (inleggt)
  • Hering: Rullmops, Bismark oder ok de dänschen seuten Hering. Wahrschau: Kümmt jümmers blangenbi un ni nich mittenmang!
  • 4 Eier (de kümmt as Spegeleei baben op)
  • Dorto: Beer un Kööm
  1. Kantüffeln schälen un koken, bit se week sünd.
  2. Gurken un Rode Bete in lütte Stücken sneden. Man nich all´ns, mutt noch wat för de Dekoratschoon blieven.
  3. Fleesch to Mus drücken
  4. De Zibbeln in lütte Stücken sneden
  5. Kantüffeln rutholen un to Mus stampen.
  6. Öl in ´n grote Pann oder ´n groten Pott. Denn op´t Füer doon un heet moken
  7. Zibbeln in de Pann un glasig warrn loten
  8. Fleesch in de Pann un anbroten
  9. Dat Füer lütt stelln.
  10. Gurken un Rode Beete (nich allns) in den Pott met Zibbeln un Fleesch.
  11. Kantüffelmus dorto
  12. Warm holln un af un an dörröhrn. Nu hess Labskaus in´n Pott.
  13. Spegeleier moken (in de Pann).
  14. Labskaus op de Deller dohn. Nu hess ´n Labskausbarg.
  15. 1-2 Gurken un Rode Beete blangenbi leggen.
  16. de Hering kümmt half blangenbi un half op den Labskausbarg.
  17. Baben op den Labskausbarg kümmt dat Spegelei
  18. Fardig. Nu kanns Freten as dull.







op ´n nee´en Stand bröcht: Nov.2020

                                                                                       


Nach oben