Januar 2016

Uns Plattdütsch-Fründ

Klaus Klement

läwt nich mihr,

hei is kort vör Wihnachten

storben.

Een vun uns

Klaus Klement is nich mehr.

Doch so nich ganz is dat woll wohr.

Mi dücht, as he noch bi us weer,

in uusen Kring uk düttet Johr.

Giern schnacken (reden) dä he nich, de groote Mann;

een Lächeln af un an.

He bliev bi sik.

Wat weet wi denn vun sien Geschick?

Wenn he vertell, dat füll em schwoor.

Doch he wöör hier, so manchet Johr.

Wat hevvt wi em bedüüd,

wi plattdüütsch sprekend Lüüd?

Mach ween, een Stück Tauhuus hevvt wi em geeben,

viellicht in sien sünst eensam Leeben.

Klaus Klement, een vun uns, he is nich mehr.

Wi denkt an em un geewt em Ehr.

So lang wi künnt, wi wüllt em nich vergeeten

Un em in Rauh un Freeden weeten.

(Friedhelm)

Februar 2017

Un wedder

is ein von uns storben

+ Horst Barnewitz +

Söss Johr

is hei bi uns wäst,

hei, de Baukhändler

ut Stralsund.

+

Un

wi wardn nich vergäten,

wo toll

hei de Fohrten

na Sralsund un Gripswold

un de Dräpen

mit de

plattdütschen Krings

von dor

organisiert hett.

                               Klaus

Horst Barnewitz -

as ik em seihn heff...

Un ik seih em jümmer noch -

lebennig: Sien Wesen. Sien Leven,

wöör't em nich in't Antloot schreven,

77 Johr, vull Up un Daals?

Bi all den Irnst in siene Reed

blitzt achtersinnig-plietsch

 denn mannigmal een Weeten up

vun noch wat Beters in de Welt.

Denn sprüng hei up,

et holl em nüms taurüch:

Geschichten un Gedichten,

Dichter un Poeten, Theater uk.

Dat wöör siene Welt.

Un Plattdüütsch allerirst!

„Ik bün all door!“

sääd de Swienegel taun Haas.

Mi dücht, up düsse Wies

 hett hei woll meistert manche Kries.

Insett hett hei sik un nich bloots reed.

(Wöör hei een vun de Eersten in uns Kring?)

Hei hett dat daan woll eher ik em kenn.

Taulest uns Reis na Gripswold hett hei plant

un wöör dorbi mit Freid un Leev.

Nee, schoont hett Horst sik nich,

upgeeben uk nich.

Sien Geist bleew wach

un tru sien Wies.

Hei wöör mi nah un ward mi fehlen.

Friedhelm